कोरोना लाॅक डाउन ........डाॅ अमित नेमाणे
"कोरोना लाॅक डाऊन ! "........... डाॅ अमित नेमाणे निसर्ग हा आपली जहागीर असून आपण त्याचा मनमुराद आनंद लुटू शकतो ,अगदी निसर्गाची हानी होईपर्यंत, अशा आविर्भावात वावरणाऱ्या पृथ्वीवासीयांना निसर्गाने अगदी चांगलाच धडा शिकवला तो करोना विषाणूच्या स्वरूपात. घड्याळ्याच्या काट्यावर चालणाऱ्या जगाला घड्याळातील सेल काढून ठेवल्याप्रमाणे कैद केले ,ते ह्याच कोविड १९ आजाराने . आज जवळपास संपूर्ण जग "लोक डाऊन "ह्या संज्ञेचा खऱ्या अर्थाने उपरोधिक आनंद लुटत आहे .अशा या बंदच्या परिस्थितीत एका बंद घराच्या बंद खोलीत लिहिलेला हा लेख .लेखन करीत असताना एक कबुतर ,काही चिमण्यांचे थवे ,काही कावळे खिडकीमधून आत कोंडलेल्या माझ्याकडे डोकावून बघताना , ते मला हिनावत आहेत की काय असाच भास होतोय ! असो !! साधारणत काही महिन्यापूर्वी चीन देशात या आजाराची सुरवात झाली असे म्हणतात . नेमकी तारीख किंवा महिना सांगता येत नाही कारण मुळातच साम्यवाद किंवा कम्युनिजम सारख्या संकल्पनातुंन एखाधिकार शाही सारख...